HAZA LANITRA

« Tandremo fa misy mpamosavy ao anaty vatasarihana ao; mamelana fitiavana ny kirarony ary ny nifiny maitson’ny lainga eo amin’ny fitoeram-boky! »

 

na inona hotenenina,
io ny sori-dalana ;
tsy ho an-dRajoelina
na ho an-dRavalomanana
fa ho an’ny firenena
lasa mikorontana.
very an-katerena
ka mila fanavotana,

efa samy resy
matoa tsy nahatana
ny vondrona Sadeky
tsy ho tompom-pahefana ;
koa aoka hankatoa
fa efa miharihary
fa izy no Tsitoha
sy lasa Zanahary.

izaho aloha tsy mino
ny fiainana hiova
satria tsy hanadino
ny tena zava-doza :
ireo endrika efa ratsy
navoaka halaina sary…
…dia faly erý ry Zafy,
nipaompy ny Amiraly !

ny resaka mivoaka
mampanongo tena,
tsy ijerem-bahoaka
na hasim-pirenena :
-    « ialahy tsy mahazo mody
fa ny tany tsy milam..! »
-    « izaho hanao angovy,
tsy hiraharaha notam ! »

ny madinika saozanina,
arebirebim-bola,
vao tairina dia fanina,
mitsilany dia mandrora ;
bado loatra mantsy,
ampiasana fikafika,
ka avorivory hihantsy
sy ho faty an-dra mandriaka.

ry mpanao pôlitika
miady mifandramatra :
ny taranatsika
terena foana hianatra
kanefa ny ampitsony
potehina masiaka.
Ny fahoria-mikitrony…
…MIOZONA HO ANTSIKA !

ARNYR Andrianarisaina
21.01.2012

Dans : TONONKALO
Par ARNYR Andrianarisaina
Le 30 janvier, 2012
A 8:42
Commentaires : 0
 
12345...75
 
 

plaisir2lire |
Agatha Christie, sa vie, so... |
culture |
Unblog.fr | Créer un blog | Annuaire | Signaler un abus | beauty $pot
| coursparticuliersdefrancais
| Editions de la Mer d 'Egée